mesebo
Dengan nine saq tejemput, n’dekn lansung tejauq juq bale dengan toak saq mame, laguk keluarge atau kerabat dengan toak penganten mame tesebut “besebok”. Besebok telakuan aden terhidar ekan hal – hal sak ndekt meleq isik calon penganten,semisal dengan toak sik nine pete atao mele rebut anak’n sak wah tepelaikang. Hal ne endah bertujuan merarik ne memeang tetu – tetu kemelek nine mame.
Sendekman taek juk bale, calon penganten nine tebisok juluk naen/ kaki isik salah sopoq nine sak tepercayak saq milu lalu bait penganten lek taokn tesebo’, aik sak kadun tebisok niki kadu aiq siwur. Nah setelah no baruk calon penganten nine tesuruk meriap.
Meriap dadakan niki biase tepejuluk isik MENGKEOK atao gorok manok antare selak magrib dait ise, hal niki bertujuan jak ceritak tetangge atau batur gubuk lamun arak penganten dating ato dengan merariq. Sewahan tetaok sai sak merarik biase batur gubuk sak nine jauk kupi gule sedang sak mame jauq manok. Napi ruen sak tejau nike lansung teperiap trus tegibung sesak teparan Merangkat, bekelor kadu sejenis nare atau dulang.
Laguk biasen impugn manok sak wah tegorok tebeng juk penganten nine mame terus waktu ngelor sepiring kance due, Impung manok sak wah tesiepan ye teangkat isik calon penganten mame terus tebait isik nine aden akrab ruen, dait impugn sak setoek tadekang tipak dengan sak betugas mesejati. Sendekman acare begibung mulai, tepejuluk isiq Belah Teloq jari tanden mulaiang begibung ( Merangkat ), selese nike baruk mulai aran lepas sengkang ( anting ) sak tepiak ekan daun lontar sak agak belek jari tande siep lepas mase bajang.
merariq
MERARIQ Lueq semeton sak sebut – sebut merarik lagu n’dekn taok napi sebenar merarik nike, merariq te engat ekan bahase sasaq bagian timuk “berari” maksud pelai, paden marak bagian lombok tengah sak laukan sekedi “melaik” ongkat lakguk maksud pade “merarik”, hal ne ndek lepas ekan cerite papuq baloq,
Man…… (waran jarin)
Zaman laek arak cerite anak Raje mele lek anak Amaq Kangkung, nah hungbungan ne ndekn mungkin jak mau restu, ahir Anak Raje ne sikn pelaikang Anak Amaq Kangkung, laguk Naas tetaok sik masyarakat ahir tuber aber tepunikan kul – kul ( tong…….. tong…………. Tong……. ) santer takut tuber aber sik masyarakat sampe jakn kencirit penek, ahir pas pelai dait lendang jagung ye taokn nyebo anak raje dait anak amak kangkung ne sampe menah (BESEBO’). ulekn terus juk bale raje,, nah pihak raje utus senopati juk bale nine jari lalo bebarak ( MASEJATI ).
Nah nike sekedi waranan, laguk intine Merarik maksudne sak tepelaikang entan, atau tepaling, jari tandek bajang sasak sak perkase sak tabah, wanen dait ape age aran, sedangkan lamun telakok ntan endekn aran merarik laguk BELAKOQ aran, sedangkan sak tejodohang ye aran TEPERONDONG. Merariq biasen tegawek kemalem antare selak magrib dait ise, sengak lamun kenjelo jak berarti ye pengecut sak melaikang no, dait endah biasen lamun dengan melaikang kenjelo pas prosesi Sorong Serah Aji Krame tedende, n’dek bau tame pekaranganape lagi jak taek sangkok, jumlah kepeng isikn tedende laek skitar 49.000 kepeng, kurang jelas apakah gobang, tali, ketip, atau rupie. Waktu lalo maling endah harus arak dengan NINE sak wah cukup beleq milu ekan rombongan tukang paling, hal niki temaksudang aden n’dek arak hal – hal sak lenge terjadi dait hidari fikiran masyarakat sak negative. Nah kembekn ampok lalo maling nine no kemalem ? malem tepilek aden sak ndek tetaok sik keluarge nine lamun nine ne jakn lalo pelai ( merarik ).
Hal niki masih kentel lek sebagian daerah lombok, lamunt tedait melaik tuber aber kadu kelewang, angkak lamunt mele melaik harus sieep – siep jauk pekakas papuk baloq….. setelah nike endak lupak ngundang geh
midang
Midang dait nemin jari fase pertame kanak bajang sendekman merariq, midang kegiatan saq tegawek isik terune langan pete pasangan idup sak sesuai kance angen. Dengan mame bebas juk bale sai saq sikn pileq sak sikn kene cocok lek angen, sampe endek jarang bale dedare rame telaik sik bajang – gajang luah dese tiep malem.
Semenoan juak tipaq Dedare saq tiep malem tedatengain isik bajang, bebas mileq embe sak sik’n kene kenak dait cocok. Nah kunjungan bajang juk bale Dedare ne ye sak teparan aran MIDANG. Daserne midang niki tegawek setelah kenal bejulu, nah ye ampok’n pade bejanji jaq Midang. Biasen perkenalan niki terjadi lek peken, lek taman wisata, kegiatan budaye marak bau nyale, lalo begawe, pas Ngerampek lamun dating musim matak, atau embe pun juaq.
Nah setelah pade kenalan terus saling ketuan mbe taok bale, baruk bejanji lito midang dai nine nenemin, NEMIN nike maksudne terimak temoe bajang sak lito midang.
bahase sasak
- Ekan lae Lombok jari taokne singgah dai menetep pire macem bangse, mulai ekan Khmer, Champa, Chine atau yunani,, sak jari jauk macem dialek base. Terus dating endah ekan jawe dait bali sak jauk bahase Kawi ( bahase Menak ) Bahase niki marak bahase sak tekadu lek Tokoh Perwayangan, Laguk menurut hemat tiang Bahase Kawi niki endekn jari bahase keseharian sengak buktin luek gati dengan endek tao base Alus timakn jari menak, ato ye kelegot.
- Sendekman dating penjajah, suku sasak baun tekene mayoritas budha dait hindu hal ne baun te engat ekan tedaitne patung budha sak nane wah tesimpen lek Musium Nasional, Ekan zaman laeq Sasak niki BERBHINEKA lamun tebandingan ekan Australia dait Amerika sak baruk sekitar 200 taun kecebul, jaok libih bejulu suku sasak. Sekitar 1200 taun sak wah liwat ( waktu nike tiang masih kocet,,, hahahaha) wah luek bukti peninggalan sejarah lamun sasak new ah arak, marak base gau ite wah survive bejulu.
- Sebenar ndek arak bahase kasar sak tekadu sik dengan sasak, sak arak malah base biase (kolokial) dait bahase sastra. Mbe – mbe jakt kadu pokok konsisten ndek arak masalah. Sengak bahase kasar ngakn tekadu sik dengan bowos atau nyengke sili, taokt kadu subjek Ite (I), Side (you), Ye (he,she,it), Ite pade (we), Side pade (you plural), Ye pade (they). Aku (Melayu) Ante (Arab) Kamu( Melayu) tekene kurang sopan lamunt ngeraos kance cengan sak baru ato sak toakan. Sedang lamun base sasak asli lmunt kne dengan ke 2 ngaduang di/de sak teadopsi ekan bahase sang sekerta Deva/Devi.
- Nah tipak terune Dedare Sasak saq ragu ngeraos kadu bahase Sastra marak kadun ngeraos Umar Maye cukup wah kadu aok engeh sengak bahase nike pun lebih julu arak lek gumi sasak ketimbang bahase Kawi ( Sastra / Bahasa menak ) sengak menak nike pun ye lahir mudian, sejarah menak sendiri arak sak berupe penghargaan ekan penjajah jepang sengak jari abdi penjajah ampokn tangkat jari menak, dait factor keturunan disamping nike bahase Aok endeq , tiang enggeh lebih jelap endah teterimak isik masyarakat
pengarang: andre putra pamungkas
penerbit : budiirwan pujangga hina
Post a Comment